طريقة عمل البيض الاومليت

الاول بنجيب بيضة ( او اتنين زى ما انتم عايزين )+ شريحتين جبنة موزاريلا + شوية فيجيتار ( اللى بيتحط على الفراخ البانية ) + ملح + فلفل + شطة ( لهواة الشطة ) + اى برطمان تلاقيه فى المطبخ حط منه !

شوية سمنة على الطاسة ......و اديها شوية ملح ......و اصبر 20 ثانية لحد ما السمنة تسيح ( آه ! نسيت اقولكم ولعوا البوتاجاز على الطاسة ! ) و بعدين تقطعوا شرايح الجبنة الموزاريلا لقطع صغيرة و تفرشوها على الطاسة على شكل دواير دواير دواير .......

و بعدين تحطوا الفيجيتار و البيضة ( او الاتنين ) و تديها تقليب ..........

و تصبروا حوالى 180 دقيقة ! قصدى ثانية .......

و بعدين تطفوا عالطاسة و تحطوها فى طبق ( يفضل لو كان سرفيس او طبق مسطح ) .......و تحطوا شوية الفلفل اللى حيلتكم + اى برطمان تلاقوه عندكم فى المطبخ تحطوا منه شوية .....

و بالهنا و الشفاء

ياااااااااااااااااه مش عارفه من غيرك كنت هاعمل ايه تعرفى انا كنت هانسى اولع البوتوجاز على الطاسه لولا انك فكرتينى يا نونا ههههههههههههههههههه
شكرا يا نونا تسلمى