احلام البنات
اهلا وسهلا بكى يا بنوته فى عالمنا احنا الفتيات
منتدى احلام البنات منتدى للبنات وبس
اذا كنتى عضوه فتفضلى بالدخول واعرفى جديدينا
واذا كنتى زائره فيشرفنا انضمامك الى اسره المنتدى
مع تحيات الاداره

[url=


منتدى للبنات وبس
 
الرئيسيةالرئيسية  البوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
مرحبا بكن فى احلى المنتديات منتدى احلام البنات
الابداع هو فعل المستحيل نحن نصنع المستحيل فى منتدانا والمقلدون خلفنا دائما ومن يقلدنا يثبت لنا اننا الافضل دائما
ممنوع منعا باتا تبادل اى روابط منتديات فى علبة الدردشة او فى اى موضوع او فى اى قسم من اقسام المنتدى او فى الرسائل الخاصة ومن تقوم بذلك فسيتم طردها من المنتدى ومن تصلها اى رابط تقوم بالاتصال بى وابلاغى بذلك
فينكوا يا عضوات عايزين ندخل ضمن احسن 10 منتديات ع جوجل
يا بنات اللى عندها اى اقتراح تبعتلى فى رساله وان شاء الله هندرسه ونحاول تنفيذه
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
نوفمبر 2017
الأحدالإثنينالثلاثاءالأربعاءالخميسالجمعةالسبت
   1234
567891011
12131415161718
19202122232425
2627282930  
اليوميةاليومية
أفضل 10 أعضاء في هذا المنتدى
شيمو - 527
 
موشو - 518
 
**هيبارا** - 473
 
**ايروكا** - 153
 
moslema 4 ever - 101
 
aya - 86
 
katkat_2015 - 72
 
نغم الحياه - 67
 
بنوتة امورة - 48
 
نونا فون - 22
 
بنرات المنتدى
>

شاطر | 
 

 لبيبه الهبله وحل مشكله انفلونزا الخنازير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
moslema 4 ever
مــديرة المنـــتــدى
مــديرة المنـــتــدى
avatar

عدد المساهمات : 101
تاريخ التسجيل : 28/06/2009
الموقع : احلام البنات

مُساهمةموضوع: لبيبه الهبله وحل مشكله انفلونزا الخنازير   الأحد سبتمبر 27, 2009 4:32 am

ضوء الإشارة الحمراء صبغ جموع الناس التي تعبر الشارع أمام سيارتي بالخطر المحدق ،
الأنفلونزا ، هذا الفيروس الذي يتلون كالحرباء ،
كلما هممنا بالقضاء عليه هاجمنا بإستراتيجية جديدة ،
هذه المرة يأتي مرتديا قناع الخنازير ،
ترى ، كم سيحصد من البشر هذه المرة ؟
أصوات أبواق السيارات من خلفي تطالبني بالتحرك ،
سيل من اللعنات و السب العلني انهال على أذني ،
آثرت النجاة بنفسي من بطش ألسنتهم ،
فجأة ، وجدت شخصا أمام السيارة ،
رعب سيطر على أوصالي ،
دست بكلتا قدماي على الكابح ،
صرخة العجلات المسكينة من شدة احتكاكها بالإسفلت شقت السكون ،
أخذت أصرخ :
ـ يا لطيف يا لطيف يا لطيف .....
بالكاد لامست مقدمة السيارة أطراف الملابس برفق ،
لا حول و لا قوة إلا بالله العلي العظيم ،
سقط وجهي بين كفي ، تنهدت الصعداء ،
استغفر الله العظيم ، استغفر الله العظيم ،
رفعت رأسي للتأكد من صدق ما حدث ،
امرأة ؟ غير معقول ، من ؟
( لبيبة الهبلة ) ؟
شعرها الأشعث الطويل يغطي معظم وجهها ،
ملابسها البالية المتسخة تكشف أكثر مما تستر ،
أخذت تركل السيارة ، انهالت علي بكمية لا بأس بها من السب و اللعن ،
دفنت وجهي بين راحتي يدي منتظرا انتهاءها من وصلتها الغنائية ،
فتحت باب سيارتي و نزلت ، لعلها تسكت عندما تراني ،
بالفعل تفاجأت ، صرخت محاولة التبرير :
ـ يعني كده برضه بنات الناس مالهمش قيمة عند سعادتك ؟
ـ معلش يا خالة لبيبة ، سامحيني ....
ـ سامحيني إيه و زفت منيل إيه يا سي الأستاذ ؟ كنت عملت إيه انا بقى بسامحيني دي لما تدوسني ؟ كنت أصرفها م القرافة إن شاء الله ؟
( تدخل أحد الواقفين )
ـ الراجل مش غلطان يا ولية انتي اللي غلطانة ....
ـ و انته مال اللي جابوك ؟ واحد و كان ها يدوس خالته ، مالك انته تدخل ليه
؟ و الا انته متعود تتحشر كده بين الناس و خالاتهم ؟ أما غريبة و الله .
( وضع الرجل يده على كتفي )
ـ يلا يا أستاذ روح شوف حالك ، دي ولية هبلة سيبك منها ...
ـ هبلة يا ابن الاهبل ؟ طب و الله ما هو ماشي ( أمسكت بملابسي ) لما أشوف ها يسمع كلام مين فينا ؟
ـ اشبعي بيه ، مش بيقولك يا خالتي ؟
( انصرف الرجل بينما أخلت هي سبيلي و أخذت تنظف ملابسي من أثر مسكتها )
ـ أديني وسخت لك هدومك أهوه ، عاجبك كده ؟
ـ عادي يا خالة لبيبة و لا يهمك ، تعالي لما أوصلك .
( ذهبنا نركب السيارة و انطلقنا ،
لفت نظرها علبة أضعها بجواري ، تساءلت ببراءة :
ـ دي أكل دي و الا إيه ؟
ـ لا دي كمامات عشان الأنفلونزا بتاع الخنازير ...
ـ دي ايه فلوزة الخنازير دي كمان ؟
ـ فرة كده زي اللي بتيجي للفراخ و البط ، بس دي بتيجي للناس .
ـ طب ما تعملوا زي ما أنا عملت مع البط بتاعي .
ـ نعمل إيه ؟ مش فاهم .
ـ البط بتاعي كان كل ما يخرج م العشة مع بقية البط ، تموت لي بطتين تلاتة
، بعيد عنك كانت فرة و ماشية ، قمت أنا و جاراتي حابسين البط بتاعنا لغاية
لما الفرة عدت ، و من يومها ما ماتتش و لا بطة ،
ما تعملوا كده .
( أخذني الضحك ، بادرتها )
ـ نعمل إيه بس يا خالة لبيبة ؟
ـ اللي بيقولوا عليه حصر تجول .
ـ نعم ؟
ـ أيوة ، عشر تيام ماحدش لا يخرج و لا يدخل ....
ـ أيوة ، و الناس تموت بقى لا تاكل و لا تشرب عشر تيام ؟
ـ لا يا ناصح ، كل واحد يخزن أكله و شربه العشر تيام دول ...
ـ و المدارس و المصالح و الناس ؟
ـ وله انته ها تسهبل ؟ ما انتو بتعملوه لما بتبقوا خايفين ع الكراسي ، ساعتها ما بتقولوش لا مدارس و لا مصالح ليه ؟
بص بقى ، انته تنبه على الناس تجهز نفسها من يوم ( نظرت إلى السقف ) 10/10 ، مش برضه اللي جاي ده شهر عشرة ؟
ـ أيوة ، أكتوبر .
ـ أيوة ، من يوم عشرة عشرة ، و تلاته بالله العظيم اللي ها شوفه في الشارع بعدها لموتاه ،
ما اشوفش وش حد فيكم إلا بعدها بعشر تيام ، سامع و الا لأ ؟
ـ حاضر يا خالة ، حاضر ...
ـ نزلني بقى عشان أنبه ع الناس ، انته عاوز الورقة دي ؟
( تناولت إحدى الورقات الموجودة على الكراسي الخلفية )
ـ لا خديها ، بس ها تعملي بيها إيه ؟
ـ ها تشوف دلوقتي ، نزلني بقى .
( توقفت بالسيارة على جانب الطريق ،
نزلت ( لبيبة ) تناولت إحدى العلب المعدنية الملقاة بصندوق القمامة ، أخذت
تطرق عليها ، بينما لفت الورقة كالبوق ، و أخذت تنادي من خلاله )
ـ يا أهالي المدينة ،
( تطرق على العلبة المعدنية كالمنادي الذي يملأ حكاياتنا القديمة )
يا أهالي المدينة ،
كل اللي عاوز يخزن أكل أو شرب يلحق بسرعة ،
عشان فيه حصر تجول من يوم عشرة عشرة لمدة عشر تيام ،
عشان الفلوزة بتاع اللى ما يتسموش الخنازير ،
( تطرق )
و يا ويله يا سواد ليله اللي يخرج من بيته ،
و الحاضر يعلم الغايب ،
( تطرق )
يا أهالي المدينة ، يا أهالي المدينة .....
( أخذ صوتها يتردد في الفضاء )
حتى اشتكى سكان الكره الارضيه
[


عدل سابقا من قبل ! missy ! في الأحد سبتمبر 27, 2009 4:38 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlamelbanat.forumotion.net/?157
moslema 4 ever
مــديرة المنـــتــدى
مــديرة المنـــتــدى
avatar

عدد المساهمات : 101
تاريخ التسجيل : 28/06/2009
الموقع : احلام البنات

مُساهمةموضوع: رد: لبيبه الهبله وحل مشكله انفلونزا الخنازير   الأحد سبتمبر 27, 2009 4:37 am

ولكن يا ترى هل هنعمل البتاع اللى بتقول عليه لبيبه حصر تجول ؟؟؟؟
طيب وايه الفايده من كده الناس هتقعد فى البيت المريض هيمرض اكثر لانه ما بروحش يتعالج والصحيح هيصاب بكسل العواطليه والبلد هتتاخر اكتر واكتر واكتر وكمان بعد ما العشر ايام دول ما يخلصوا والناس ترجع الشارع هل المريض هيكون خف؟؟؟؟
اكيد لا بل بالعكس هيكوم مرض اكثر وهيعدى الناس
والموظف والعامل هل هيرجعوا متحمسين للشغل دول بقالهم عشر ايام فى راحه؟؟؟
اكيد لا لانهم هيصابوا بالوخم اللى هيكون عم الشعب كله ؟؟؟
والطلاب تفتكروا هيجيبوا الكتب ويفضلوا يذاكروا ويستغلوا الوقت فى المذاكره؟؟؟
اكيد لا هيتفرجوا ع التليفزيون
طيب تفتكروا ايه الفايده من كده؟؟؟
عايزين حلول ايجابيه مش سلبيه مش كل من هب ودب هيقول راى ونقوله حاضر
ولا انتوا ايه رايكم؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlamelbanat.forumotion.net/?157
 
لبيبه الهبله وحل مشكله انفلونزا الخنازير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلام البنات :: المنتدى الأول-
انتقل الى: